Estoria ki’ik ida kona ba Letra “S”

Estoria ki’ik ida kona ba Letra “S”

Letra “S” katak knua ida ne’ebe iha istrada ida iha Puno, suku Pairara ne’ebe ba dalan ida ne’e, iha estoria ida unique tanba ba fatin ida ne’e iha tempu okupasaun maluk sira hatene katak, fatin ida ne’e fatin asaltasaun FRETILIN ba militar ABRI sira ne’ebe liu dalan ne’e. No perigo duni. Tanba, ba iha dalan ida ne’e militar indonesio sempre araska atu liu. Tanba fatin ne’e diak hodi uza atu asalta ba maluk bapak sira iha tempu okupasaun indonesio nian. Tanba ne’e, fatin ne’e hetan atensaun makas husi TNI no maluk sira hotu durante 24 anus no hanaran dalan letra “S” ou Via Letra “S” tanba dalan ne’ebe ita atu ba Los Palos no mai dili sempre liu dalan ne’e. Nunemos iha dalan ida ne’e mos iha tinan 98 kuandu Jenderal ida husi Jakarta mai Los Palos komunidade iha ne’e taka dalan ho Ai Bo’ot ida no Jenderal Jakarta ne’e lakonsege liu no sae de’it helikoptru ba liu baucau idepois mak ba Jakarta. No dalan ida ne’e modelu le’ut hanesan letra “S” lolos.

Tanba ne’e mak maluk sira hotu hanaran letra “S”. no lolos fatin ida ne’e original hanaran “Tete”. Ba rai letra “S” nia naran lolos. Iha tempu japonese nian, fatin ne’e hanesan armazem no ba imuskada enter ema Australiano sira no Japonese sira. No iha fatin ne’e uluk liu hakerek nain rona tuir avo ida ho naran Lo’oru Na’ma’arau ne’ebe japanese obriga ba ajuda japanese sira iha tempu ne’eba nia esplika mai hau iha 1997. Hateten katak, uluk iha 1942 (nia haluha sa loron) maibe nia hateten katak aviaun sira husi tasi liu husi mota Lautem tama mai no mosu iha suku home nia leten no sira iha letra “s” ida ne’e hateke tun mo’os los no dehan Australia nian. Iha tempu neba tiru malu makas maibe liu loron rua nia hare’e katak ema japanese sira kaer ema Australiano nain tolu no mai iha fatin ne’e no nia rasik hare’e..katak japanes sira kastigu sira nain tolu no liu semana ida sira inkeritu idepois sira (Nipon) ba sona moris de’it to’o mate no katuas ne’e husu ba japanese tanba sa imi sunu ahí sona ema to’o toradu ho moris de’it. Japanese nonok no lakoi hatan.

Ne’e mak istoria ida ne’ebe hau konsege husu katuas ho idade besik atus ida iha tempu neba. Katuas ne’e, Hateten ba hau kona ba sa’ mak letra”S”. no dalan ida ne’e ba lista javanes sira dehan Zona Mean. Tanba ne’e iha indonesia nia tempu fatin seluk hetan eletrisidade ona maibe ba aldeia ne’ebe liu dalan publiku ida ne’e, nunka hetan eletrik soque ukun an no liu ba tinan sanulu mak foun hetan eletrik. Tanba ne’e Letra “s” ida ne’e autor konsidera hanesan fatin hakmatek agora no ba aban bainrua.